کراچی: ایشیاء کی سب سے بڑی کچی آبادی اونگی ٹاؤن میں فائرنگ سے اہلسنت والجماعت کے دو کارکن جاں بحق ہوگئے، لاشیں عباسی شہید اسپتال منتقل کردیں گئیں۔
تفصیلات کے مطابق اورنگی ٹاوٗن کے علاقے اسلام چوک پرفائرنگ کا واقعہ پیش آیا جس میں دوافراد نامعلوم افراد کی گولیوں کا نشانہ بن گئے۔
مقتولین کی شناخت اطہرحسین اوراختر حسین کے نام سے ہوئی اوردونوں باپ بیٹے ہیں۔
پولیس کا کہنا ہے کہ دونوں افراد اسلام چوک پرواقع اپنی دوکان پربیٹھے تھے کہ موٹرسائیکل پرسوارنامعلوم مسلح افراد نے ان پرفائرنگ کردی جس کے نتیجے میں دونوں افراد جائے وقوعہ پرہی ہلاک ہوگئے۔
اہلسنت والجماعت کے ترجمان کا کہنا ہے کہ دونوں افراد کا تعلق ان کی جماعت سے ہے، ترجمان نے مقتولین کے قاتلوں کی فی الفور گرفتاری کا مطالبہ کیا ہے۔
پولیس نے لاشیں عباسی شہید اسپتال روانہ کرکے موقعٔ واردات سے شواہد اکھٹے کرنا شروع کردیے ہیں۔