اڑنے والی موٹر سائیکل ہوگئی تیار،شوقین تیار ہوجائیں

ڈچ ماہرین نے اڑنے والی موٹر سائیکل متعارف کرادی، جس کو سڑک پر چلایا بھی جاسکتا ہے۔

موٹر سائیکل چلانے کے شوقین تیار ہوجائیں، اب اڑنے والی موٹر سائیکل بھی تیار ہوگئی ہے، ڈچ ماہرین نے پال وی نامی تین پہیوں والی موٹر سائیکل تیار کرلی ہے، یہ موٹر سائیکل نہ صرف سڑک پر ایک سو بارہ میل فی گھنٹہ کی رفتار سے دوڑ سکتی ہے بلکہ اڑ بھی سکتی ہے۔

موٹر سائیکل کو اڑانے کے لئے صرف دس منٹ درکار ہوتے ہیں ،جس کے بعد یہ ہیلی کاپٹر بن جاتی ہے، اس کے اوپر لگے پنکھوں اور پروں کی بدولت یہ چار ہزار فٹ کی بلندی تک اڑنے کی صلاحیت رکھتی ہے، موٹر سائیکل کو ہالینڈ میں دو لاکھ پچانوے ہزار ڈالر میں فروخت کے لئے پیش کردیا گیا ہے۔

Comments