کراچی: عمران خان نے کہا ہے کہ اگرانسان کسی چیزکاتصور کرلےتوممکن ہوسکتا ہے، میں نے نمل یونیورسٹی بنانے کا سوچا، اب میرا مشن یہی یونیورسٹی ہے۔
چیئرمین پی ٹی آئی عمران خان نے اہلیہ ریحام خان کے ہمراہ عقیل کریم ڈھیڈی کی رہائش گاہ پر ڈونر کانفرنس میں شرکت کی۔
عمران خان نے تقریب سے خطاب کرتے ہوئے کہا کہ انہوں نےخوبصورت جگہ پریونیورٹی بنانےکا سوچا ہے، نمل یونیورسٹی میں نوےفیصد اسکالر شپ ہیں۔
عمران خان کا کہنا تھا کہ نمل یونیورسٹی سے نکلنے والے بچے پاکستان کی ترقی میں اہم کردار ادا کرسکتے ہیں، عمران خان نے کہا کہ جن لوگوں نے مدد کی ان ڈونرز کے شکر گزار ہیں ۔
اس موقع پر عمران خان کی اہلیہ ریحام خان کا کہنا تھا کہ پاکستان کےبچوں کو کچھ بننےکیلئےمواقع ملنےچاہئیں، لیڈرکا مقصد سمت کاتعین کرناہوتاہے، این اےدوسو چھیالیس کےووٹرز کی قربانیاں تاریخی ہیں۔
بعد ازاں پارٹی اجلاس کے بعد عمران خان فیصل واڈاکی رہائشگاہ پر میڈیا سے گفتگو کرتے ہوئےعمران خان کا کہنا تھا کہ تبدیلی یہی ہے کہ نو گوایریا میں پہلی بار الیکشن ہو رہا ہے، کراچی والوں کے پاس حالات بدلنے کا بہترین موقع ہے۔
انہوں نے کہا کہ این اے دو سو چھیالیس کا ضمنی انتخاب خوف کی فضا ختم کرے گا، میں نے ایسا کچھ نہیں کیا جس پر معافی مناگنی پڑے، معافی وہ مانگیں جنہوں نے کراچی میں خوف پھیلایا۔
