ایبولا وائرس امریکا جا پہنچا

ٹیکساس : امریکا میں ایبولا وائرس کا پہلا کیس منظر عام پر آگیا ہے، وائرس سے متاثرہ شخص ریاست ٹیکساس کا رہائشی ہے۔

مغربی افریقا کے کئی ممالک میں تین ہزار سے زائد افرد کو موت کے منہ میں دھکیلنے والاخطرناک وائرس ایبولا امریکا جا پہنچا، امریکی محکمہ صحت کا تصدیق کرتے ہوئےکہنا تھا کہ متاثرہ شخص امریکی ہے اوراسے ڈیلاس کے اسپتال میں رکھا گیا ہے۔

حکام کا کہنا ہے کہ وائرس سے متاثرہ شخص افریقی ملک لائیبیریا سے ریاست ٹیکساس پہنچا تھا، ایبولاوائرس کا پہلا کیس ہے، جوافریقا سے باہر منظر عام پر آیا ہے۔

Comments