نیویارک: اسرائیلی وزیراعظم بنجمن نیتن یاہو نےایران کے جوہری پروگرام کو بین الاقوامی برادری کے لئے داعش سے زیادہ خطرناک قراردیا ہے۔
اقوام متحدہ کی جنرل اسمبلی کے سالانہ اجلاس سے خطاب کرتے ہوئے اسرائیلی وزیراعظم بنجمن نیتن یاہو نے بین الاقوامی برادری کو خبردارکرتے ہوئے کہا ہے کہ ایران کا جوہری پروگرام عراق وشام اورداعش سے زیادہ خطرناک ہےاوربین الاقوامی برادری ایران سے شدید خطرات لاحق ہیں۔
ان کا کہنا تھا کہ اس سلسلےفوری طورپربین الاقوامی برادری ایران کے جوہری پروگرام کو ختم کرنے کے لئے اقدامات کرے۔
واضح رہے کہ اسرائیل، امریکا سمیت مغربی ممالک ایران کے جوہری پروگرام کوعالمی امن کے لئے خطرہ قرار دتیے رہے ہیں جبکہ ایران کا اس سلسلے میں واضح مؤقف ہے کہ اسکا جوہری پروگرام پُرامن مقاصد کے لئے ہے اور پرامن پروگرام کے تحت جوہری توانائی کا حصول ایرانی عوام کا حق ہے۔
