واشنگٹن: امریکی وزیرخارجہ جان کیری کا کہنا ہے کہ ایران کے ساتھ ڈیڈلائن سے پہلے سمجھوتا مشکل سہی لیکن ناممکن نہیں ہے۔
آسٹریا کےشہر ویانا میں جاری مذاکرات میں ایران اور چھ عالمی طاقتوں کےمابین ایٹمی ڈیل پرتاحال کوئی حتمی معاہدہ نہیں ہوسکا۔
یورپی یونین کی نمائندہ کیتھرائن ایشٹن سے بات کرتے ہوئےجان کیری کا کہنا تھا کہ یہ ایران کی ذمہ داری ہے کہ وہ عالمی برادری کو قائل کرے کہ اُس کا جوہری پروگرام مکمل طور پرپُرامن مقاصد کے لئے ہے۔
عالمی برادری کی ایران کو دی گئی ڈیڈ لائن رواں ماہ کی چوبیس تاریخ کو ختم ہورہی ہے اورغیرملکی خبررساں ایجنسی کے مطابق فریقین معاہدے کی مہلت میں آئندہ سال مارچ تک توسیع کرنے پرآمادہ ہیں۔
Comments
- Advertisement -
