کراچی: افغانستان میں نیٹو کے زیر اہتمام چلنے والے سیکیورٹی مشن اساف کی جانب سے جانے والےکنٹینروں میں موجود حساس اور اہم نوعیت کا سامان پورٹ قاسم سے غائب ہوگیا۔
قاسم پورٹ سے جانےو الے کنٹینروں میں انتہائی حساس اور اہم نوعیت کا سامان موجود تھا جو افغانستان سے کراچی اور پھر جرمنی جا رہے تھے۔
کسٹم انٹیلی جنس ذرائع کے مطابق خفیہ اطلاع پر کراچی ڈرائی پورٹ پر چھاپہ مارکرکنٹینروں کو قبضے میں لے لیا گیا، انتہائی حساس و اہم نوعیت کا سامان کب اورکہاں سے غائب ہوا کسٹم اینٹلی جنس نے تفتیش شروع کردی ہے۔
کنٹینرز کراچی پورٹ قاسم سے تمام کلیئرنس مکمل ہونے کے بعد روانہ ہونے والے تھےکہ پکڑے گئے، پکڑے جانےو الے کنٹینروں میں اصل سامان کی جگہ اینٹیں اور پتھر کے بڑے بلاکس جا رہے تھے۔
انٹیلی جنس حکام نے حکومت پاکستان کوواقعہ کی مکمل رپورٹ بھجوا دی ، جلد گرفتاریاں ہونے پر بڑے انکشافات کی توقع کی جا رہی ہے ذرائع کا کہنا ہے کہ اس سلسلے میں گرفتاریوں کے لیےتیاریاں شروع کردی گئی ہیں۔
