اسلام آباد: مسلم لیگ ن کے سابق رکن قومی اسمبلی حنیف عباسی پرایفی ڈرین کوٹہ کیس میں فردِ جرم عائد کردی گئی ہے۔
اسلام آباد کی انسدادِ منشیات عدالت نے مسلم لیگ ن کے سابق رکن قومی اسمبلی حنیف عباسی اور ان کے بھائی سمیت آٹھ ملزمان پر ایفی ڈرین کوٹہ کیس میں فردِ جرم عائد کردی ہے۔
ن لیگی رہنماء حنیف عباسی سمیت تمام آٹھ ملزمان نے مقدمے کی صحتِ جرم سے انکار کردیا۔
سابق رکن قومی اسمبلی حنیف عباسی کا عدالت کے فیصلے پر تبصرہ کرتے ہوئے کہنا تھا کہ ایفی ڈرین کوٹہ ، ادویات بنانے میں استعمال کیا، مقدمہ سیاسی ہے اور انہیں بلاجواز پھنسایا جارہا ہے۔
عدالت نے مقدمے کی سماعت بارہ نومبر تک ملتوی کرتے ہوئےآئندہ پیشی پر استغاثہ سے شہادتیں طلب کرلیں ہیں۔
Comments
- Advertisement -
