تازہ ترین

ایل پی جی کی قیمت میں من مانا اضافہ،اوگرا کی مجرمانہ خاموشی

اسلام آباد : ایل پی جی کمپنیوں کی بلیک مارکیٹنگ عروج پر پہنچ گئی۔اُوگراخاموش تماشائی بن گئی۔رواں ماہ قیمتوں میں چوتھی بار اضافہ۔

تفصیلات کے مطابق ایل پی جی پندرہ دن میں سو روپےفی کلو مہنگی کردی گئی۔ملک بھرمیں جاری گیس بحران کا فائدہ اٹھاتے ہوئے رواں ماہ ایل پی جی کی قیمتوں میں چوتھی بار اضافہ کردیاگیا ہے۔

ایل پی جی ڈسٹری بیوٹرز ایسوسی ایشن کے چئیرمین عرفان کھوکھرکے مطابق ایل پی جی کمپنیاں یومیہ 5کروڑ روپےناجائز منافع کمارہی ہیں۔جبکہ اُنہیں ریگولیٹ کرنےوالی اُوگراکریک ڈاؤن کے زبانی دعوؤں کےساتھ مکمل خاموش تماشائی بنی ہوئی ہے۔ ایل پی جی کی قیمت میں ایک مرتبہ پھر 20 سے 50 روپے فی کلو کا من مانا اضافہ کردیا گیا ہے۔

دو ہفتوں میں ایل پی جی 100روپےفی کلومہنگی کی جاچکی ہے۔اُوگرا نےایل پی جی کی قیمت95روپےفی کلو مقررکررکھی ہےتاہم بڑےشہروں میں ایل پی جی 140تا170روپےفی کلو فروخت کی جارہی ہےجبکہ سرد ترین علاقوں میں ایل پی جی کی قیمت دو سو روپےفی کلو سےتجاوزکرگئی ہے۔

Comments

- Advertisement -