تازہ ترین

ایم کیوایم آج یومِ تشکر منارہی ہے

کراچی : ایم کیو ایم قائد الطاف حسین نے بھرپور مؤقف پر فاروق ستار اور فروغ نسیم کو شاباش دی ہے، ایم کیوا یم رابطہ کمیٹی نے کہا ہے کہ تمام جماعتوں کا طالبانائزیشن کا اعتراف کرنا الطاف حسین کے موٴقف کی سچائی کا ثبوت ہے، آج ملک بھر میں یومِ تشکر منایا جائے گا۔

الطاف حسین کا کہنا تھا کہ میں گزشتہ کئی برسوں سے بارہا یہ کہتا رہا کہ طالبانائزیشن ملک کو تباہی کی طرف لے جارہی ہے مگر میرا مذاق اڑایا گیا ہے، آج ملک کی تمام سیاسی قیادت نے طالبانائزیشن کے بارے میں میرے مؤقف کوتسلیم کرلیا ہے۔

یہ امرخوش آئند ہے کہ اب سب ہی ملک کو بچانے کیلئے طالبانائزیشن کے خاتمہ پر متفق ہوگئے ہیں۔

ایم کیوا یم رابطہ کمیٹی نے کہا ہے کہ تمام جماعتوں کا طالبانائزیشن کا اعتراف کرنا الطاف حسین کے موٴقف کی سچائی کا ثبوت ہے،آج ملک بھر میں یومِ تشکر منایا جائے گا۔

ملک بھر میں ایم کیوا یم کے زونل دفاترو ضلعی دفاتر، سیکٹرز ، یونٹس کی سطح پر شکرانے کے نوافل ادا کئے جائیں گے، نوافل شکرانہ ادا کرنے کیلئے کراچی کے لال قلعہ گراؤنڈ میں سہ پہر تین بجے مرکزی اجتماع ہوگا۔

Comments

- Advertisement -