اسلام آباد : پاکستان تحریک انصاف کے رہنما جہانگیرترین نے کہا ہے کہ کراچی میں بڑے پیمانے پر دھاندلی ہوتی ہے۔ متھدہ قومی موومنٹ کے خلاف جوڈیشل کمیشن میں جائیں گے۔
تفصیلات کے مطابق پی ٹی آئی کے چیئرمین عمران خان کی رہائش گاہ بنی گالہ میں میڈیا سے گفتگوکرتے ہوئے تحریک انصاف کے رہنما جہانگیرترین کا کہنا تھا کہ کراچی میں بڑی دھاندلی ہوتی ہے۔
ایم کیوایم کے خلاف جوڈیشل کمیشن میں جائیں گے۔ پی ٹی آئی کی طویل جدوجہد کے نتیجے میں جوڈیشل کمیشن قائم کیا گیا ہے۔
امید ہے زیادہ ترسیاسی جماعتیں دھاندلی سے متعلق اپنا موقف جوڈیشل کمیشن میں پیش کریں گی۔ انہوں نے کہا کہ کمیشن کے اعلان کے بعد ہی پی ٹی آئی نے ٹاسک فورس بنائی ہے جو کمیشن کودھاندلی کے مستند ثبوت فراہم کرے گی۔
Comments
- Advertisement -
