لاہور: اے آر وائی نیوز کے پروگرام کھرا سچ میں ایم کیوایم کے مرکز نائن زیرو پر چھاپے کے ایکسکلوسیو مناظر دکھادیئے گئے۔
اے آر وائی نیوز کے پروگرام کھراسچ میں اینکر پرسن مبشرلقمان نے ایم کیوایم کے رہنما عامر خان کے حوالے سے کئی دھماکہ خیز انکشافات کئے اور نائن زیرو پر چھاپے کے ایکسکلوسیو مناظر بھی دکھائے ۔
اینکر پرسن مبشر لقمان نے عامر خان کے اعترافی بیان کی کاپی بھی اپنے پروگرام میں دکھائی، پروگرام کھرا سچ کے مطابق عامر خان کے اعترافی بیان میں کہا گیا ہے کہ وہ ایم کیوایم میں شمولیت کےبعدجرائم میں ملوث ہوئے، انکے ساتھ لانڈھی سیکٹرکے کچھ لوگ بھی جرائم میں ملوث ہوئے،زمینوں پر قبضےکےساتھ لسانی ٹارگٹ کلنگ بھی کرتےتھے،پارٹی عہدیداروں کوکھالیں اورچنداجمع کرنےکاٹاسک دیاجاتاتھا۔
پروگرام کھرا سچ میں بتایا گیا ہے کہ عامرخان کےوکیل منگل کو ضمانت کیلئےدرخواست دینگےتاہم عامرخان نےضمانت پرنہ جانےکافیصلہ کیا ہے۔
پروگرام میں عامر خان کے حوالے سے بتایا گیا ہے کہ عامرخان نےجج سےدرخواست کی ہےکہ ان کی جان کوخطرہ ہے، پروگرام میں یہ بھی بتایا گیا ہے کہ برطانیہ کی انٹیلی جنس ٹیم آئندہ ہفتے پاکستان آرہی ہے جو صولت مرزاسےبھی ملناچاہتی ہے۔
