کراچی : تحریکِ انصاف کی سربراہ عمران خان کی اہلیہ ریحام خان کراچی پہنچ گئیں، اے آر وائی نیوز سے خصوصی گفتگو میں ریحام نے کہا نے انہیں بھابی کہلائے جانے پر بڑی خوشی ہے۔
کراچی میں گرما گرم استقبال بھابی ریحام خان کو بہت بھایا، ریحام خان کا کہنا تھا کہ تلخ لہجوں میں مٹھاس آگئی، سمجھ لیں تبدیلی آگئی ہے، این اے 246 اب ایم کیوایم کا قلعہ نہیں رہا، کراچی کا کوئی ائیریا انکے اور مسٹر خان کے لئے نو گو ایریا نہیں۔
عمران خان کی اہلیہ نے کہا کہ ہر قدم پر اپنے شوہر کا ساتھ دیں گی۔
ایم کیو ایم کے قائد کی جانب سے دعوت اور تحفوں کی بات پر مسز خان نے کہا کہ الطاف بھائی کے لہجے میں نرمی سے لگتا ہے تبدیلی آگئی ہے۔
اس سے قبل عمران خان کی اہلیہ ریحام خان وہ پہلی بارانتخابی مہم میں کپتان کے ساتھ ہوں گی اورجناح گراونڈ جائیں گی، ان کا کہنا تھا کہ کراچی آنے کے لئے کسی اورکی دعوت کی ضرورت نہیں۔
مسزخان کا کہنا تھا کہ این اے دوسوچھیالیس کےعوام ان کے بہن بھائی ہیں، محبت سے وہ انہیں بلائیں تو بھلا کیسے ایسی دعوت کو کوئی ٹھکرائے۔
