کراچی : این اے 246 کے ضمنی انتخاب میں پہلے غیرحتمی غیرسرکاری نتائج کے مطابق ایم کیوایم کے کنورنوید جمیل کو جماعت اسلامی کے راشد نسیم اور تحریک انصاف کے عمران اسمعیل پر واضح پر واضح برتری حاصل ہے۔
کراچی میں قومی اسمبلی کے حلقہ این اے دو سو چھیالیس میں ضمنی انتخاب کے لئے پولنگ اپنے مقررہ وقت پرختم ہوچکی ہے اوراب ووٹوں کی گنتی جاری ہے۔
ضمنی انتخاب میں عوام کی بڑی تعداد نے ووٹ ڈالے، ولنگ کا آغاز صبح آٹھ بجے ہوا، شدید گرمی کے باوجود پولنگ اسٹیشنوں پر ووٹرز کی طویل قطاریں نظر آئیں۔
ایم کیو ایم،تحریک انصاف،جماعت اسلامی کےامید واروں سمیت بارہ امیدوار وں نےحصہ لیا، لیکن پتنگ ، بلےاور ترازو میں کانٹے کامقابلہ ہوا،حلقےمیں رجسٹرڈووٹرزکی تعدادتین لاکھ ستاون ہزار سے زائد ہے۔جس کے لئے دوسوتیرہ پولنگ اسٹیشن قائم کئےگئے تھے۔
پولنگ کے دوران سکیورٹی کے سخت ترین انتظامات کئے گئے،حلقے میں سات ہزار سیکیورٹی اہلکار ڈیوٹی پر مامور تھے،متعدد پولنگ اسٹیشنز پر عملہ اور سامان بر وقت نہ پہنچنے پرووٹرز کوپریشانی کا سامنا بھی کرنا پڑا اور ووٹنگ دیر سے شروع ہوئی۔
غیر حتمی غیر سرکاری نتائج
تفصیلات کے مطابق حلقہ این اے 246 کے ضمنی انتخاب میں پہلے غیر حتمی نتائج کے مطابق پولنگ اسٹیشن نمبر112 میں متحدہ قومی مومنٹ کے اُمیدوار کنور نوید جمیل نے 780 ووٹ لے کر برتری حاصل کرلی۔
پہلے غی حتمی نتائج کے مطابق جماعت اسلامی کے اُمیدوار راشد نسیم 110 ووٹ لے کر دوسری نمبر ہر ہیں جبکہ پاکستان تحریک انصاف کے اُمیدوار عمران اسمعیل ووٹ لینے میں تیسرے نمبر پررہے ۔
پولنگ اسٹیشن نمبر67 : کنور نوید نے702ووٹ حاصل کیے،عمران اسمعیل 230ووٹ لے کر دوسرے نمبر پر رہے جبکہ راشد نسیم 200ووٹ لے کر تیسرے نمبر پر ہیں۔
پولنگ اسٹیشن نمبر47 : کنور نوید نے279ووٹ حاصل کیے،عمران اسمعیل 61ووٹ لے کر دوسرے نمبر پر رہے جبکہ راشد نسیم 42ووٹ لے کر تیسرے نمبر پر ہیں۔
پولنگ اسٹیشن نمبر82: کنور نوید نے 198 ووٹ حاصل کیے،عمران اسمعیل 163 ووٹ لے کر دوسرے نمبر پر رہے جبکہ راشد نسیم 45 ووٹ لے کر تیسرے نمبر پر ہیں۔
این اے دو سو چھیالیس ضمنی الیکشن میں تمام پولنگ اسٹیشن کے غیر حتمی نتائج کے مطابق ایم کیو ایم کے کنور نوید 93122 ووٹ لے کر آگے ہیں ،پی ٹی آئی کے عمران اسماعیل16932 لے سکے جبکہ جماعت اسلامی کے راشد نسیم کو 6191 ووٹ ملے۔
دوسری جانب متحدہ قومی موومنٹ کے نو منتخب رکن قومی اسمبلی کنورنوید جمیل نےاپنے انتخاب پرایم کیو ایم کے قائد الطاف حسین کا شکریہ ادا کیا ہے۔
