اسلام آباد: عمران خان کا کہنا تھا کہ اگلا الیکشن عید سے پہلے ہوگااوروزیرِ اعظم پی ٹی آئی سے ہوگا۔
پاکستان تحریکِ انصاف کے سربراہ کا کہنا تھا کہ جب جوڑ توڑ کرکے کوئی شکص لیڈر بنتا ہے تو پھرعالمی سطح پر کھڑا ہو کر پرچیاں پڑھتا ہے ، خود بات نہیں کرسکتا۔
انہوں نے پیپلز پارٹی پر بھی تنقید کی کہ ایسا کبھی نہیں ہوتا کہ ایک لیڈر وصیت لکھ جائے کہ میرے بعد میرا بیٹا اورخاوند لیڈربن جائیں۔
انہوں نے مفتی محمود اور باچا خان کی سیاست کو سراہا لیکن مولانا فضل الرحمن اور اسفند یار ولی پرتنقید کی کہ یہ لوگ کس بنا پر لیڈر بنتے ہیں۔
ان کا کہنا تھا کہ لوگ عزت کے لئے سیاست میں آتے ہیں جب کہ انہیں اللہ نے پہلے ہی شہرت سے نوازرکھاتھا۔
ان کا کہنا تھا کہ آج دھرنے کو باون روز ہوگئے ہیں اورآپ کی استقامت قابلِ دید ہے، دھرنے میں عورتوں اوربچوں کی تعداد مردوں سے زیادہ ہے۔
ان کہنا تھا کہ موجودہ حکمرانوں کی سیاسی تربیت ہی نہیں ہوئی اس لئے وہ اس امر سے ناواقف ہیں کہ پاکستان کے پاس اس قدرذرائع ہیں کہ وزیرِاعظم کو دنیا سے بھیک مانگنے کی ضرورت نہیں ہے۔
انہوں نے دھرنے کے شرکاء کو مبارک باد دی کہ دھرنے کے کی وجہ سے ملک میں اصلاحات آرہی ہیں اورعوام اپنے حقوق سے آگاہ ہورہے ہیں۔
