سبی: بختیار آباد کے قریب ڈمبولی کے مقام پر نامعلوم افراد نے ریلوے ٹریک کو دھماکہ سے اڑا دیا، ٹریک کا دو فٹ کا حصہ تباہ ہوگیا، دھماکہ کے فوری بعد سیکورٹی فورسز اور لیویز نے علاقے کو گھیرے میں لے لیا اور ملزمان کی تلاش شروع کردی ہے۔
بختیارآباد سے دو کلو میڑ سبی کے طرف ڈمبولی کے مقام پر شرپسندوں نے دھماکہ خیز مواد سے ریلوے ٹریک کو دھماکہ خیز مواد سے اڑا دیا، جس کے نتیجے میں ریلوے ٹریک کا دو فٹ کا حصہ تباہ ہوگیا اور ٹرینوں کی آمدورفت معطل ہوگئی۔
واقعے کے فوری بعد پنجاب جعفر ایکسپریس ،اکبر بگٹی ایکسپریس ا ور سندھ سے آنے والی بولان میل کو قریبی اسٹیشنوں پر روک دیا گیا۔
دھماکہ بعد سیکورٹی فورسز اور لیویز نے علاقے کو گھیرے میں لے کر ملزمان کی تلاش شروع کردی۔
ریلوے حکام کا کہنا ہے کہ ٹریک کی بحالی کے لئے فوری طور پر کارروائیاں شروع کردی گئیں اور 2 گھنٹے میں مرمت کا کام مکمل کرکے ٹرینوں کی آمدورفت کو بحال کردیا۔
