مون سون کے موسم کو اگرچہ رومانوی اورخوشگوارسمجھا جاتا ہے لیکن یہ اپنے ساتھ کئی بیماریاں لےکرآتا ہے۔ اس موسم میں لوگ سب سے زیادہ بیمار پڑتے ہیں۔ آپ مون سون کا مزہ بھی تبھی لے سکتے ہیں جب آپ پوری طرح سے صحت مند ہوں۔
برسات کے دنوں میں اگر غذامیں تھوڑی سی بھی لاپروائی برتی جائے تو صحت متاثرہوسکتی ہے۔ اس لئے بارش کی پھواروں کا پورا لطف لینے کےلئے غذا میں احتیاط برتنا بہت ضروری ہے۔
صبح کا ناشتہ
صبح کے ناشتے میں بلیک ٹی یا گرین ٹی کے ساتھ پوہا، اپما، اڈلی خشک ٹوسٹ یا پراٹھے لے سکتے ہیں۔
دوپہرکاکھانا
دوپہر کے کھانے میں تلے بھنے کھانے کی بجائے دال اورسبزی کے ساتھ سبزیاں اورروٹی لیں۔
رات کا کھانا
رات کے کھانے میں ہلکی غذا لینا بے حد ضروری ہے لہذا رات میں صرف دال ،چپاتی اورسبزی لیں۔
اس غیر محفوظ موسم میں فوڈ پلان یا ڈائٹ چارٹ بنانا بیحد ضروری ہے۔ثابت اناج جیسے جو ، جئی، باجرا ایسے موسم کے لئے موزوں ہیں۔
پھلوں میں انار، سیب، آم ، آلو بخارہ وغیرہ موسمی پھل ضرور لیں۔ ان سے آپ کو ضروری غذائیت ملے گی۔
اس موسم میں گرم سوپ پینا بہت مزیدار لگتا ہے، رات کو دودھ ضرورلیں اس میں ہلدی ملا کر پینے سے پیٹ اورجلد دونوں صحت مند رہیں گے۔
برسات میں گرما گرم پکوڑے، سموسے کھانے کو دل ضرور کرتا ہے لیکن ان سے دوری رہنے میں ہی آپ کی بھلائی ہے۔