نئی دہلی: بھارتی پولیس نے برطانیہ میں جنسی زیادتی کے دو واقعات میں ملوث 28 سالہ شخص کوگرفتار کرنے کا دعویٰ کیا ہے۔
پولیس کے جوائنٹ کمشنر روندرا سنگھ نے اپنے بیان میں کہا ہے کہ رمیندر سنگھ نامی نائٹ کلب باؤنسر کو تین سال تک مفرور رہنے کے بعد گرفتار کیا گیا ہے۔
ذرائع کا کہنا ہے کہ اس کی گرفتاری ایک اطلاع کے نتیجے میں عمل میں آئی جس کے مطابق وہ ایک جعلی پاسپورٹ کے ذریعے ملک سے فرار ہونے کی کوشش کررہا تھا۔
اطلاع موصول ہونے پر پولیس نے چھاپہ مار کر مجرم کو دہلی کے نزدیکی علاقے علی پور سے گرفتار کیا گیا۔
رمیندر سنگھ جولائی 2012 میں برطانیہ سے فرار ہوا تھا، وہ ایک 23 سالہ خاتون کے ساتھ زیادتی اور ایک 27 سالہ خاتون کے ساتھ زیادتی اور اقدامِ قتل کے جرم میں مطلوب ہے۔
انٹرپول نے رمیندر کو انتہائی مطلوب افراد کی فہرست میں شامل کیا ہوا تھا اور بھارت سے اس کی گرفتاری کا مطالبہ کیا تھا۔
رمیندر سنگھ 2009 میں اسٹوڈنٹ ویزہ پر مہمان داری کاڈپلومہ کرنے کے لئے اسکاٹ لینڈ گیا تھا۔
