لندن: برطانیہ میں عام انتخابات سات مئی کو ہونگے، جس کیلئے اہم سیاسی جماعتیں لوگوں کو اپنا ہم نوا بنانے کی مہم چلا رہی ہیں۔
برطانیہ میں عام انتخابات میں حکمران ٹوری پارٹی ، لبرل ڈیموکرٹک پارٹی اور لیبر پارٹی برسر پیکار ہیں، جن کے وزارتِ عظمی کے امیدواروں میں موجودہ وزیرِاعظم ڈیوڈ کیمران، ایڈ ملی بینڈ اور نک کلیگ شامل ہیں۔
اپنی مہم میں ٹوری پارٹی کے ڈیوڈ کیمرون نے لوگوں پر زور دیا ہے کہ وہ یوکِپ یا لبرل ڈیموکریٹ رہنماؤں کو ووٹ دینے کے بجائے ترجیحی وزیرِاعظم کا انتخاب کریں۔
لیبر پارٹی کے وزارتِ عظمیٰ کے امیدوار ایڈ ملی بینڈ کا کہنا تھا کہ سات مئی کے انتخابات میں فیصلہ کرنا ہوگا کہ ملک کیسے کامیاب ہوگا۔
لبرل ڈیموکریٹ کے نِک کلیگ نے ووٹروں سے کہا کہ امکان کم نظر آتا ہے کہ لیبر پارٹی یا کنزرویٹو پارٹی بھرپور فتح حاصل کرے گی۔
برطانیہ میں متعدد پارٹیاں الیکشن لڑتی ہیں لیکن بڑے پیمانے پر لیبر یا ٹوری پارٹی ہی الیکشن میں کامیاب ہوتی ہیں۔
