کراچی: سابق صدرآصف علی زرداری نے کہا ہے کہ چین سے آنےوالی سرمایہ کاری کوسیاست کی نذرنہیں ہونےدیں گے۔
پیپلزپارٹی کے شریک چیئرمین نے لیاری میں پیپلزپارٹی کی طاقت دکھانےکےلیےجلسہ کیا، انہوں نےجیالوں کاجوش گرمانے کےلیےنعرے لگوائے اور لیاری کےلیےترقیاتی منصوبوں کااعلان کیا۔
آصف زراری کا کہنا تھا کہ لیاری والوں کوپیپلزپارٹی سے محبت ہے، بلاول اکثران سےچھپ کرلیاری پہنچ جاتے ہیں۔
آصف زرداری نےچین سےہونےوالی سرمایہ کاری پرکہا کہ انہوں نے اس کےلیےکئی سال محنت کی تھی،کوئی صوبہ اورکوئی قوم خطرہ محسوس نہ کرےسب کواس کے حقوق ملیں گے۔ چینی سرمایہ کاری کوسیاست کی نظرنہیں ہونےدیں گے۔
آصف زرداری نےجیالوں کوحوصلہ دیا کہ وہ مایوس نہ ہوں پیپلزپارٹی پھرابھرے گی، کچھ قوتیں رکاوٹ بنتی ہیں ، لیکن ماضی میں بھی پیپلزپارٹی دوبارہ ابھری تھی۔
آصف زردری نے کہا کہ عمران خان سے ایک الیکشن چوری ہوا توشور مچانےلگے، پیپلزپارٹی کےساتھ ہردورمیں دھاندلی ہوئی، لیکن پارٹی ہربارنئےجوش سے سامنےآئی۔
سابق صدر نے اعلان کیا کہ بلاول اورآصفہ کےبڑے ہونے تک پیپلزپارٹی کاجھنڈا سنبھالے رکھوں گا۔
انہوں نے لیاری کےلیےایک ارب کے ترقیاتی پیکج کااعلان کیا، جبکہ قائم علی شاہ کوہدایت کی کہ تین ماہ میں پانی کامسئلہ حل کریں۔
