تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

بنوں اور پشاور سمیت خیبر پختونخوا میں آج عید الفطر منائی جا رہی ہے

پشاور: پاکستان میں دو عیدوں کی روایت ایک مرتبہ پھر برقرار رہی، بنوں اور پشاور سمیت خیبر پختونخوا اور فاٹا کے بیشترعلا قوں میں آج عید الفطر منائی جا رہی ہے ، مسجد قاسم علی خان کے اعلان سے پہلے ہی بنوں اور مردان آج عید منانےکا اعلان کردیا گیا۔

گھروں سے دُور اور جلاوطنی کی صعوبتیں اٹھاتے شمالی وزیرستان کے متاثرین کی بھی آج عید ہے ،آئی ڈی پیز نےنماز عید بنوں اسپورٹس کمپلیکس میں ادا کی، اس موقع پر سیکورٹی کے سخت انتظامات تھے۔

پشاور، کرک، بنوں  باجوڑ ایجنسی، صوابی مردان اور لکی مروت میں بھی آج عیدالفطرمنائی جارہی ہے، کالا باغ کے علاقے کوٹ چاندنہ میں افغان مہاجرین نے عید منائی، نماز عید کے مو قع پر لو گ دعا گو تھے کہ ان کے ملک میں امن و آشتی کا دور دورہ ہو، دہشت گردی کی لعنت سے ملک کو نجا ت ملے اور آپریشن میں مصروف پاک فوج کے سپاہیو ں کو کلی کامیابی عطا ہو۔

اس مرتبہ مسجد قاسم علی خان کے اعلان سے پہلے ہی غیرسرکاری اور مقامی رویت ہلال کمیٹیوں نے بنوں، مردان، لکی مروت میں شوال کا چاند نظر آنے اور آج عید منانے کا اعلان کردیا تھا، سعودی عرب اور خلیجی ممالک میں شوال کا چاند نظر آنے کے بعد پاک افغان سرحدی علاقوں اور باجوڑایجنسی میں بھی آج عید کا اعلان کردیا گیا ہے۔

دلچسپ بات یہ ہے کہ بنوں، مردان اور پاک افغان سرحدی علاقوں میں چاند کا اعلان مسجد قاسم علی خان کی رویت پر کیا جاتا ہے لیکن اس بار ان علاقوں میں چاند کی رویت اورعید کا اعلان مسجد علی قاسم خان کے اعلان سے پہلے ہی کردیا گیا تھا۔

Comments

- Advertisement -