تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

بنگلہ دیش کی انگلینڈ کو 15 رنز سے اپ سیٹ شکست

ایڈلیڈ: بنگلہ دیش نے بگ تھری کے ٹھیکیدار انگلینڈ کو ورلڈ کپ سے باہر کا راستہ دکھادیا، انگلینڈ کو پندرہ رنز سے اپ سیٹ شکست دیکر بنگلہ دیش کوارٹر فائنل میں پہنچ گیا۔

کرکٹ کا بانی انگلینڈ ورلڈ کپ سے فارغ کردیا گیا۔ ایڈلیڈ میں کھیلے جانے والے ورلڈ کپ کے میچ میں بنگال ٹائیگرز نے گوروں کو پندرہ رنز سے ہرا کرعالمی کپ کی تاریخ میں پہلی بار کوارٹر فائنل کیلئے کوالیفائی کرلیا۔

انگلینڈ نے ٹاس جیت کر فیلڈنگ کا فیصلہ کیا تو اینڈرسن نے ابتدائی بلے بازوں کو پویلین بھیج کر اپنے  کپتان کا بھرم برقراررکھا۔ محمود اللہ اور مشفیق الرحیم نے ایک سو اکتالیس رنز جوڑ کر بنگال ٹائیگرز کو مکمل تباہی سے نکالا،۔

محمود اللہ کی سنچری کی بدولت بنگلہ دیش نے انگلینڈ کو دو سو چھیتر رنز کا ہدف دیا۔ معین علی اور ای این بیل نے جارحانہ آغاز فراہم کیا۔ بنگال بولرز نے شاندار کم بیک کرتےہوئے پہلے معین علی اور پھر بیل کو پویلین کی راہ دکھائی۔

مشرفی مرتضی اور تسکین احمد نے انگلش مڈل آڈر کی کمر توڑ دی۔ جوس بٹلر اور کرس وکس نے پچہتر رنز جوڑ کر بنگلہ دیش کے لئے خطرے کی گھنٹی بجائی، لیکن بٹلر کے آؤٹ ہوتے ہی پوری ٹیم دو سو ساٹھ رنز بناکر آؤٹ ہوگئی۔

محموداللہ کو میچ کا بہترین کھلاڑی قرار دیا گیا۔

Comments

- Advertisement -