تازہ ترین

بھارتیوں کی اکثریت موجودہ حکومت سےنجات چاہتی ہے، نین تاراسہگل

سابق بھارتی وزیراعظم نہروکی بھانجی مودی سرکار سےنالاں ہیں،انہوں نے کہا کہ بھارتیوں کی اکثریت موجودہ حکومت سےنجات چاہتی ہے۔

جواہرلال نہرو کی بہن وجے لکشمی پنڈت کی بیٹی نین تاراسہگل لٹریچرفیسٹول میں شرکت کےلیےکراچی آئی ہوئی ہیں۔

اے آروائی نیوزسےبات کرتےہوئےانہوں نے کہا کہ مودی سرکارسےسخت عاجزہیں، مودی کوصرف تیس فیصدلوگوں نےووٹ دیا۔

ان کا کہنا تھا کہ سترفیصد چاہتےہیں کہ گجرات میں مسلمانوں کوقتل کرنےوالے سےنجات مل جائے۔ دلی کی ہوتیں توعام آدمی پارٹی کوووٹ دیتیں۔

 نین تاراسہگل نےاعتراف کیا کہ ان کےماموں نےکشمیریوں سےحق رائے دہی کاوعدہ کیا تھا لیکن حالات نےاس کی اجازت نہیں دی۔

سابق بھارتی وزیراعظم نہروکی بھانجی نین تاراسہگل نوناولزسمیت سترہ کتابوں کی مصنف ہیں، انہیں ساہتیہ اکیڈمی ایوارڈ بھی مل چکا ہے۔

Comments

- Advertisement -