پٹنہ: بھارتی ریاست بہارمیں مسلمانوں اتحادِ بین الاقوام کاایسا مظاہرہ کیا جس کی تاریخ میں مثال نہیں ملتی ہے۔
جی ہاں ! بھارتی مسلمانوں نے ہندو اکثریتی ملک میں دنیا کے سب سے بڑے مندر کی تعمیر کے لئے زمین عطیہ کردی۔
بہار کے علاقے جانکی نگرمیں ’مہاویر‘ نامی دنیا کا سب سے بڑا مندر تعمیر کیا جارہا ہے جس کا کل رقبہ 200 ایکڑہے۔
مندر کی تعمیر کے لئے 50 ایکڑ زمین تین درجن مسلم خاندانوں نے عطیہ کی جب کہ باقی ماندہ زمین کے لئے مخیر مسلم خاندانوں رقم مہیا کی ہے۔
مہاویر مندر ٹرسٹ کے زیرِاہتمام تعمیر ہونے والے مندرمیں 20 ہزار افراد کی گنجائش ہوگی۔
ٹرسٹ کے سیکرٹری اچاریہ کشورکنال کا کہنا ہے کہ دنیا کے سب سے بڑے مندرکی تعمیرکا خواب مسلمانوں کی مدد کے بغیر ممکن نہیں تھا۔
واضح رہے کہ بھارت وہ ملک ہے جہاں اس جدید دور میں بابری مسجد اور گجرات کے فسادات جیسے سانحات ہوچکے ہیں۔ بھارتی مسلمانوں کے اس عمل سے دنیا بھر میں مسلمانوں کی اصل پہچان ابھرکرسامنے آئی ہے جسے القائدہ اور داعش جیسی شدت پسندوں نے مسخ کیا ہوا ہے۔
