بیجنگ: بھارتی وزیرِ اعظم نریندرمودی تین ملکی دورہ کے پہلے مرحلے میں چین پہنچ گئے، بھارتی وزیر اعظم کا کہنا ہے کہ اکیسوی صدی ایشیا کی صدی ہے۔
بھارتی وزیرِاعظم نریندرمودی چین کے دو روزہ سرکاری دورہ پرچین پہنچ گئےہیں، ژیان ائیرپورٹ پہنچنے پر صوبہ شانگزی کے گورنر نے نریندرمودی کا پرتپاک استقبال کیا۔
روانگی سے قبل مودی کا کہنا تھا کہ وہ دورہ چین میں دونوں ملکوں کے تعلقات کو ایک نئے سنگ میل کی حیثیت سے دیکھتے ہیں، اکیسویں صدی ایشیا کی صدی ہے،چین سے معاشی تعلقات اورچینی کمپنیوں سےشراکت داری بھارت کے لئے نہایت اہمیت کی حامل ہے۔
بھارتی وزیرِاعظم چین کےدورہ کے بعد منگولیا کا دورہ کرنے والے پہلےبھارتی وزیرِاعظم ہوں گے، جس کے بعد وہ جنوبی کوریا جائیں گے۔
Comments
- Advertisement -
