تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

بھارتی وزیر نے پاکستان کو برما سمجھتے ہوئے کارروائی کی دھمکی دے دی

نئی دہلی: مودی سرکار کا جنگی جنون اب ان کے وزراٗ کے سر بھی چڑھ کر بولنے لگا، دفاعی لحاظ سے کمزور برما میں سورماؤں کی کاردگی کے بعد بھارتی وزیر نے پاکستان کو برما سمجھتے ہوئے کارروائی کی دھمکی دے دی۔

مودی نے بنگلہ دیش میں علیحدگی کی تحریک میں بھارت کے ملوث ہونے کا اعتراف کیا تو ان کے وزراٗ کا خون بھی جوش مارنے لگا۔

وزیر مملکت راجيہ وردھن سنگھ نے ایک انٹرویو میں گیدڑ بھبکی دیتے ہوئے کہا کہ یہ کارروائی پاکستان کیلئے بھی ایک پیغام ہے جبکہ سابق فوجی افسر نے ایک قدم آگے بڑھ کر کہا کہ بھارت پاکستان میں جس وقت اور جہاں چاہے گھس کارروائی کرے گا۔

بھارتی وزیر کا کہنا تھا کہ ایک دہشت گرد صرف دہشت گرد ہوتا ہے اس کی کوئی دوسری شناخت نہیں ہوتی، پاکستان سمیت ان تمام مخالف کے خلاف کارروائی کر سکتے ہیں، جو بھارت کے خلاف دہشت گردی کو فروغ دے رہے ہیں۔ بھارت پر حملہ کسی صورت قبول نہیں کریں گے، جہاں سے بھی خطرہ ہوا تو کارروائی کی جائے گی۔

بھارتی سورماؤں نے دفاعی لحاظ سے انتہائی کمزور پڑوسی ملک برما میں فوجی کارروائی کی تو وزیر مشیر ایٹم بم سے لیس پڑوسی کو بھی برما سمجھنے لگے۔

بھارتی وزیر نے برما میں کارروائی کو فخریہ قرار دیا لیکن وہ یہ بھول گئے کہ پاکستان برما نہیں، ایسی کسی کارروائی کی غلطی کی تو اینٹ کا جواب پتھر سے دیا جائے گا۔

Comments

- Advertisement -