نئی دہلی:بھارت میں خاتون کے ساتھ انتہائی ہتک آمیز اور ذلت آمیز سلوک،تفصیلات کے مطابق بھارتی ریاست مدھیہ پردیش میں ایک قبائلی خاتون کو جادوٹونےکرنے کے شک پرپورے گاؤں میں برہنہ کرکے ور جوتوں کا ہا رگلے میں پہنا کر گھمایاگیا۔
دودن تک ہونے والے اس ظلم کا کوئی نوٹس نہ لیا گیا تاہم بعد میں پولیس نے واقعے کی رپورٹ درج کرلی اور چھ ملزمان میں سے پانچ کو حراست میں لے لیاگیا۔
اطلاعات کے مطابق بیتول ضلع میں اپنی بیٹی کے ہمراہ رہائش پذیر45سالہ قبائلی خاتون پرگرفتار ملزمان کو شبہ تھا کہ یہ عورت جادوٹونہ کرتی ہے جس پر اُنہوں نے خاتون کو پکڑکر راسیڑا گاؤں میں مبینہ طور پر برہنہ گھمایا گیا۔
میڈیارپورٹ کے مطابق خاتون کو کئی گھنٹے تک نالے کے پانی میں کھڑا رکھاگیا جس کے بعدماراپیٹاگیا اور کپڑے اتار کر اسے جوتوں کا ہار پہنادیا گیا اور یہ ساراسلسلہ دودن تک چلتارہا۔
متاثرہ خاتون نے بتایاکہ انھیں جادو نہیں آتا لیکن گاؤں کے لوگ ان پر شک کرتے ہیں اور پریشان کرتے رہتے ہیں۔
