ممبئی: بھارت کے شہر ممبئی میں ایک بھکاری کا صرف ایک فلیٹ 80 لاکھ روپے کا ہے اور وہ ہر ماہ کم از کم 75000 روپے کماتا ہے۔
ہندوستان کا سب سے امیر بھارت جین نامی بھکاری ممبئی شہر کی کئی گلیوں میں بھیک مانگا کرتا ہے، یہ شخص چھتری شیوا جی ٹرمنس یا آزاد میدان میں اکثر بھیک مانگتے دیکھا جا سکتا ہے۔
بھارت جین بغیر کچھ کئے صرف بھیک مانگ کر آٹھ سے دس گھنٹے میں دو ہزار سے ڈھائی ہزار روپے جمع کرلیتا ہے۔
اس بھیکاری کی ہر ماہ کی کمائی تقریباً 75000 روپے ہے جو ہندوستان کی کسی وزیر اعلیٰ کو ملنے والی تنخواہ سے بھی زیادہ ہے۔
ممبئی کے شہری علاقے بھانڈپ میں اس بھکاری کی ایک دکان بھی ہے ، اس بھکاری نے اپنی دکان کو 10000 روپے فی ماہ کے کرایہ پر لگا رکھا ہے۔
بھارت جین نامی بھکاری شادی شدہ ہے اور اس کے دو بیٹے جن میں ایک بارہویں اور ایک دسویں کلاس میں پڑھتا ہے، بھارت جین کا بھائی اور والد بھی اس کے 80 لاکھ روپے کے ایک بی ایچ کے اپارٹمنٹ میں رہتے ہیں ۔
