اسلام آباد: ن لیگ کے ظفر علی شاہ کی تحریکِ انصاف کی پارلیمنٹ میں واپسی کے خلاف درخواست کی سماعت آج ہوگی۔
اسلام آباد ہائی کورٹ کے چیف جسٹس نے درخواست سماعت کے لئے منظور کرلی، آج اسلام آباد ہائی کورٹ میں دو رکنی بیج جسٹس اطہر من اللہ اور جسٹس عامر فاروق پر مشتمل بیج سماعت کرے گی۔
درخواست میں وزیرِاعظم نواز شریف، وزراتِ قانون اسپیکر قومی اسمبلی ایاز صادق ،الیکشن کمیشن، عمران خان سمیت دیگر پی ٹی آئی اراکین قومی اسمبلی کو فریق بنایا گیا ہے۔
درخواست میں استدعا کی گئی ہے کہ پاکستان تحریکِ انصاف نے استعفے دئیے تھے، اب وہ قانونی طور پر قومی اسمبلی کے ممبر نہیں رہے، الیکشن کمیشن ان حلقوں میں دوبارہ الیکشن کرائے۔
Comments
- Advertisement -
