اسلام آباد: تحریک انصاف نے دھاندلی کی تحقیقات کیلئے عدالتی کمیشن کی عدم تشکیل پر پلان ڈی کو عملی جامہ پہنانے کی منصوبہ بندی شروع کردی۔
انتخابی دھاندلی کی شفاف تحقیقات کیلئے حکومتی دعوے کے باوجود عدالتی کمیشن اب تک قائم نہ ہوسکا،عدالتی کمیشن کے قیام میں تاخیر پر عمران خان سمیت پی ٹی آئی کے دیگررہنماؤں کو تشویش ہے،تحریک انصاف نے حکومت پر دباؤ بڑھانے کیلئے پلان ڈی کی تیاری شروع کردی ہے۔
ذرائع کے مطابق اس سلسلے میں پارٹی قیادت میں مشاورت کا سلسلہ تیز ہوگیا ہے، پلان ڈی کو ورکرز کنونشن میں پیش کیے جانے کا امکان ہے۔
ذرائع کاکہنا ہے کہ تحریک انصاف کے ورکرز کنونشن کی تاخیر میں ردوبدل کی گئی جو اب اٹھارہ جنوری کو متوقع ہے، اس سے قبل اگر حکومت نے مطالبات مان لیے تو پلان ڈی کے بجائے صرف کنونشن ہوگا ورنہ حکومت مخالف تحریک پھر سے شروع ہونے کا امکان ہے۔
Comments
- Advertisement -
