اسلام آباد: تحریک انصاف انتیس اکتوبر کو ارکان قومی اسمبلی اسپیکر ایاز صادق کےسامنے استعفوں کی تصدیق کریں گے، عمران خان پیش نہیں ہوں گے۔
تحریک انصاف کے ارکان قومی اسمبلی اسپیکر ایاز صادق کے سامنے اپنے استعفوں کی تصدیق کریں گے۔جن کی قیادت تحریک انصاف کے سینئر وائس چیئرمین شاہ محمود قریشی کریں گے، جبکہ عمران کا کہنا تھا کہ اسپیکر کے سامنےاپنے استعفے کی تصدیق نہیں کریں گے، کیونکہ انہوں نے اسپیکر پر دھاندلی کے الزمات پر مبنی مقدمات درج کروا رکھے ہیں۔
واضح رہے کہ عمران خان متعدد بار جلسوں ریلیوں اور میڈیا کے سامنے اپنے استعفے کا اعلان کر چکے ہیں دوسری جانب تحریک انصاف کے ڈپٹی چیئرمین مخدوم شاہ محمود قریشی نے کہا کہ 20نومبر کے بعد آئندہ کے لائحہ عمل کا اعلان کریں گے جبکہ عمران خان کی طرف سے 30 نومبر کا عوامی سمندر کو اسلام آباد میں جمع کرنے کا فیصلہ حتمی ہے۔ انہوں نے بتایا کہ ملتان سے تحریک انصاف کی حمایت سے کامیاب ہونے والے رکن قومی اسمبلی عامر ڈوگر نے تحریک انصاف میں شمولیت اختیار نہیں کی۔
