تشدد سے پاک ماحول میں پاکستان سے بات ہو سکتی ہے، نریندرمودی

نئی دہلی: بھارتی وزیر اعظم نریندر مودی نے کہا ہے کہ بھارت تشدد سے پاک ماحول میں پاکستان کے ساتھ تمام مسائل پر مذاکرات کیلئے تیار ہے ۔

بھارتی جریدے کو انٹرویو میں نریندر مودی نے یمن میں محصور بھارتی باشندوں وطن واپس بھجوانے پر نواز شریف کا شکریہ ادا کیا۔

ان کا کہنا تھا کہ آگے بڑھنے کیلئے شملہ معاہدہ اور اعلان لاہور کو بنیاد بنایا جا سکتا ہے، بھارت جنوبی ایشیا میں امن اور خوشحالی کا خواہش مند اورسارک کو ترقی کرتا دیکھنا چاہتاہے۔

مودی سرکار نے گزشتہ سال پاکستان کے سفیر کی نئی دلی میں کشمیری حریت رہنماؤں سے ملاقات پر بات چیت کا عمل روک دیا تھا۔

Comments