تھائی بادشاہ دنیا کے سب سے امیراورقدیم حکمران نکلے

بنکاک: تھائی بادشاہ بھومیبل ادلیادیج دنیا کی عمرترین شاہی شخصیت کے طورپرابھر کرسامنے آئے ہیں۔

غیرملکی میگزین کے مطابق بادشاہ کے کل اثاثوں کی کل مالیت 35 بلین ڈالر ہے۔

تھائی باددشاہ کو ایک اعزاز اورحاصل ہے، وہ دنیا میں سب سے طویل عرصہ حکومت کرنے والے حکمران ہیں۔ انہوں نے جون 1946 میں عنانِ سلطنت اپنے ہاتھ میں لی تھی اور ان کو تھائی لینڈ پرشاہی کرتے 68 سال بیت چکے ہیں۔

متحدہ عرب امارت کے شیخ خلیفہ بن زید النہیان 23 بلین ڈالرکے اثاثوں کے ساتھ دوسرے نمبر پر اور سعودی عرب کے مرحوم فرماں روا شاہ عبداللہ 18 بلین ڈالر کے اثاثوں کے ساتھ تیسرے نمبرپررہے۔

بادشاہ ادلیادیج کی جائیداد اور سرمایہ کاری کا تمام تر انتظام و انصرام کراؤن پراپرٹی بیورو نامی ادارے کے سپرد ہے جو نا تو سرکاری ادارہ ہے اور نا پرائیوٹ بلکہ اس کی علیحدہ ایک حیثیت ہے۔

Comments