کراچی: آصف علی زرداری نےسیاست کی پچ پر تیز باؤلنگ کرانےوالوں کو اچھے نتائج کیلئے گیند پرانی کرنے کامشورہ دے دیا۔
پیپلزپارٹی کے شریک چیئرمین آصف زرداری نے لاہور میں پیپلزپارٹی سوشل سروسز ونگ کا افتتاح کردیا،افتتاحی تقریب سے خطاب میں سابق صدر کاکہناتھاسیاست ٹیسٹ میچ ہے، ون ڈے یا ٹی ٹوئنٹی نہیں، پیپلزپارٹی جمہوریت اور خدمت پر یقین رکھتی ہے ، جو لوگ تیز باؤلنگ کے ماہر ہیں گیند پرانی کرلیں کیوں کہ وہ اچھا رزلٹ دیتی ہے۔
آصف زرداری کاکہناتھا جمہوریت کیلئے سب سے زیادہ قربانیاں دینے والی پیپلزپارٹی سے زیادہ جمہوریت کو کون سمجھ سکتا ہے، ان کا کہنا تھا اسلامی ممالک میں انارکی کی وجہ سے تباہی ہوئی ، پیپلزپارٹی نے پاکستان کوانارکی سے بچایا،آج بھی ملک میں انارکی پھیلانے کی کوشش کی جارہی ہے، لیکن پیپلز پارٹی کسی منفی سرگرمی کا حصہ نہیں بنے گی۔
Comments
- Advertisement -
