لندن : برطانیہ میں ہوئے پارلیمانی انتخابات میں پاکستانی نژاد نازشاہ کے ہاتھوں شکست کھانے والے جارج گیلووے نے نازشاہ کی کامیابی کوعدالت میں چیلنج کرنے کا فیصلہ کیا ہے۔
برطانوی میڈیا کے مطابق لیبرپارٹی کی نازشاہ نے بریڈفورڈ ویسٹ میں رسپیکٹ پارٹی کے جارج گیلووے کو گیارہ ہزار چار سو بیس ووٹوں سے شکست دی تھی۔
جارج گیلووے نے انتخابی نتیجے کو کالعدم اور نازشاہ کونااہل قراردینے کے لئے قانونی چارہ جوئی کرنے کا اعلان کیا ہے۔
جارج گیلووے نےانتخابات میں پوسٹل بیلٹنگ کے ذریعے بڑے پیمانے پر بے ضابطگیوں کا الزام عائد کیا ہے، انہوں نے کہا کہ اس بارے میں شواہد اکٹھے کئے جارہے ہیں۔
یاد رہے کہ برطانوی شہر بریڈفرڈ سے دو پاکستانی نژاد امیدوار عمران حسین اور ناز شاہ لیبر پارٹی کے ٹکٹ پر کامیاب ہوئے ہیں۔
بریڈ فورڈ ویسٹ سے ناز شاہ نے رسپیکٹ پارٹی کے مشہور سیاست دان جارج گیلووے کو شکست دی تھی۔
