برلن: جرمنی میں ایک خاتون بلی کے کاٹنے پر اس قدربرانگیختہ ہوگئیں کہ انہوں نے بلی کے مالک اور اپنے بوائے فرینڈ کو کئی بار کاٹا اور تشدد کا نشانہ بنایا۔
پولیس ترجمان کے مطابق 26 سالہ خاتون پر ان کے 39 سالہ دوست کی پالتو بلی نے اتفاقاً حملہ کرکے انہیں کاٹ لیا۔
ترجمان کا کہنا ہے کہ جب خاتون بلی کو تمیز سکھانے میں ناکام ہوگئیں تو ان کی اور ان کے دوست کی لڑائی شروع ہوگئی جس دوران بلی کے کاٹنے سے متاثرہ خاتون نے بلی کے مالک کو کئی بارکاٹا اور تشدد کا نشانہ بنایا۔
زخمی شخص نے کئی بار پولیس کو کال کرنے کی کوشش کی لیکن خاتون نے اسے ایسا نہیں کرنے دیا یہاں تک کہ وہ اپنی جان بچانے میں کامیاب ہوا اور پولیس کو کال کی۔
پولیس نے موقع پرپہن کرزخمی شخص کو اسپتال منتقل کیااور خاتون پر گھریلو تشدد کا الزام عائد کرتے ہوئے10 روز تک فلیٹ پرجانے کے لئے پابندی عائد کردی ہے۔
