جنہوں نےلاڑکانہ کاپانی نہیں پیاوہ وہاں سےالیکشن لڑیں گے،خالدمقبول

کراچی:ایم کیو ایم کے رہنما ڈاکٹر خالد مقبول صدیقی کہتے ہیں کہ جنھیں کھبی لاڑکانہ کے مچھرنے کاٹا نہیں اور جنھوں نے کبھی لاڑکانہ کا پانی نہیں پیا وہ اب وہاں سےالیکشن لڑیں گے۔

ڈیفنس کلفٹن ریذیڈنس سوسائٹی میں سینیٹر بیرسٹر فروغ نسیم،ایم کیو ایم لیگل ایڈکمیٹی اور متحدہ لائرز فورم کے کی جانب سے وکلاء برادری کے اعزاز میں عشائیہ دیا گیا، تقریب سے خطاب میں ڈاکٹر خالد مقبول صدیقی کا کہنا تھا کہ افسوس سے کہنا پڑتا ہے کہ جنھوں نے لاڑکانہ کے نلکے کا پانی نہیں پیا وہ اب وہاں سے الیکشن لڑیں گے اورغریب عوام کے رہنما بنیں گے۔

انکا کہنا تھا کہ خاندانی سیاست کے باعث آج ایوان ایوان کم اور سیاسی دکان زیادہ نظر آتی ہے،عدالتیں گونگی بہری اور آئین مفلوج ہے۔

Comments