اسلام آباد: جوڈیشل کمیشن نے ایم کیو ایم اور مسلم لیگ ن کو نوٹس جاری کر دیا، ایم کیو ایم کو جماعت اسلامی اور ن لیگ کو تحریک انصاف کی درخواست پر نوٹس جاری کیا گیا۔
انتخابی دھاندلی کی تحقیقات کیلئے قائم جوڈیشل کمیشن نے حکمران ضماعت مسلم لیگ ن اور ایم کیوایم کو پی ٹی آئی اور جماعت اسلامی کی درخواست کر نوٹس جاری کردیا۔
چیف جسٹس ناصر الملک نے ریمارکس دیئے کہ نوٹس اسلئے جاری کیےجارہے ہیں کہ دونوں جماعتوں کے پاس جواب جمع کروانے کا وقت ہو۔
تحریکِ انصاف نے اکتیس حلقوں کے ریکارڈ سیل کرنے کی استدعا کرتے ہوئے خدشہ ظاہر کیا کہ ان حلقوں کے ریکارڈ کو نقصان پہنچایا جاسکتا ہے، حفیظ پیزادہ نے دلائل میں کہا کہ ریکارڈ صوبائی حکومت کے زیرِنگرانی ہے، جسکی حفاظت کمیشن کسی اور کے سپرد کرے۔
الیکشن کمیشن نے پی ٹی آئی کے اعتراض پر واضح کیا کہ انتخابات کا ریکارڈ محفوظ اور اصل حالت میں ہے۔
دوسری جانب کمیشن کے باہر پی ٹی آئی کے چیئرمین عمران خان نے کہا کہ پاکستان میں نئی تاریخ بننے جارہی ہے، عمران خان جوڈیشنل کمیشن کا اگلا اجلاس اب پیر کو ہوگا۔
