جہلم : باپ بیٹے کے قاتل چار مجرموں کو سزائے موت سنا دی گئی۔
جہلم میں آج دہرے قتل میں ملوث چار افراد کا انجام طے پاگیا، قتل کا واقعہ دو ہزار تیرہ میں پنڈ دادن خان کے علاقے پتھری ندی میں پیش آیا، جب ملزمان نے فائرنگ کر کے حافظ محمد منیر اور ان کے بیٹے کو قتل کردیا تھا، واقعے میں تین خواتین بھی زخمی ہوئی تھیں۔
جس کے بعد پولیس نے کارروائی کرتے ہوئے آٹھ ملزمان کو حراست میں لیا تھا۔
دہرے قتل کیس کا فیصلہ جہلم کے ایڈیشنل اینڈ سیشن جج ارشد اقبال نے سنایا، جس میں چار ملزمان کو مجرم قرار دیتے ہوئے موت کی سزا سنادی گئی جبکہ دیگر چار ملزمان کو بری کردیا گیا ہے جبکہ سزائے موت پانیوالے مجرموں میں سے دو کو پانچ پانچ لاکھ جبکہ دوکو پچاس پچاس ہزار روپے جرمانہ بھی کیا گیا ہے ۔
واضح رہے کہ پشاور سانحہ کے بعد وزیرِاعظم نواز شریف نے پھانسی پرعائد پابندی ختم کردی تھی، جس کے بعد اب تک 20 ملزمان کو پھانسی دی جا چکی ہے۔
دوسری جانب دو سال کیلئے فوجی عدالتوں کے قیام کا بھی فیصلہ کیا گیا ۔
