اسلام آباد: جیو ٹی وی کے سزا یافتہ مالک میر شکیل کے فرار کے خلاف سپریم کورٹ میں درخواست دائر کردی گئی، جس میں کہا گیا ہے کہ مالک میر شکیل کو انٹر پول کے ذریعے واپس لایا جائے۔
میر شکیل کے فرار کے خلاف محمود اختر نقوی نے سپریم کورٹ میں پٹیشن دائر کی، درخواست گزار نے مؤقف اختیار کیا ہے کہ توہین آمیز پروگرام پر جیو ٹی وی کے مالک سمیت ملزمان کو گلگت کی عدالت نے چھبیس چھبیس سال قید کی سزا سُنائی ، لیکن میر شکیل کو گزشتہ دنوں بیرون ملک فرار کرایا گیا۔
درخواست میں اعلٰی عدالت سےاستدعا کی گئی ہے کہ میرشکیل اور شائستہ واحدی مفرور ہیں، تمام مجرموں کو انٹر پول کے ذریعے واپس لایا جائے اور عدالتی حکم پرعمل درآمد کرایا جائے، ساتھ ہی جیو ٹی وی اور اُن کے اخبار کا لائسنس منسوخ بھی کیا جائے۔
درخواست میں وزیرِاعظم اور وفاقی وزیرِاطلاعات کو فریق بنانے کا کہا گیا ہے۔
