فیصل آباد : جی ایچ کیو پر حملے کے اہم مجرم عقیل عرف ڈاکٹر عثمان کو پھانسی دینے کا امکان ہے، سینٹرل اور ڈسٹرکٹ جیل کی سیکورٹی پاک فوج نے سنبھال لی ہے۔
جی ایچ کیو حملہ کیس میں سزائےموت کےقیدی ڈاکٹرعثمان اورراشدکی والدین سےآخری ملاقات کرادی گئی،ملزمان کو کسی بھی وقت پھانسی دیئے جانے کا امکان ہے۔
آرمی چیف کے دستخط شدہ چھ دہشتگردوں کے ڈیتھ وارنٹ فیصل آباد جیل حکام کو موصول ہوگئے ہیں،جی ایچ کیو حملہ کیس کے مرکزی ملزم عقیل عرف ڈاکٹر عثمان سمیت چھ ملزمان کو کل صبح پھانسی دئےجانےکاامکان ہے۔
ڈاکٹر عثمان کے ساتھ تختہ دار پر جانے والوں میں اخلاص احمد عرف روسی،ارشد محمود،غلام سرور، راشد محمود عرف ٹیپو اور زبیر احمد شامل ہیں۔
ذرائع کے مطابق مجرموں کا میڈیکل چیک اپ بھی کرلیا گیا ہے ۔سینٹرل جیل میں ڈاکٹر عثمان اور راشد محمود کے والدین سے ان کی آخری ملاقات کرا دی گئی ہے۔ڈاکٹر عثمان کے والدین سینٹرل جیل میں ایک گھنٹے تک موجود رہے۔
