اسلام آباد: عوامی تحریک اور تحریک انصاف کے مارچ کے پیشِ نظر حکومت نے حکمت عملی تیار کرلی، جس کے مطابق اسلام آباد میں 144 نافذ کردی گئی ہے۔
ڈپٹی کمشنر اسلام آباد نے نوٹفیکیشن جاری کیا ،جس کے بعد ریڈ زون سمیت کسی بھی جگہ جلسے جلوس کرنے، پانچ سے زائد افراد کے اکٹھے ہونے، اسلحے کی نمائش اور موٹرسائیکل کی ڈبل سواری پر پابندی عائد کردی گئی ہے جبکہ چودہ اگست کو پندرہ شہروں میں موبائل فون سروس بند کرنےکی سفارش بھی کردی ہے، اس نوٹیفکیشن کا نفاذ اگلے دو ماہ کے لیے کیا گیا ہے۔
واضح رہے اسلام آباد میں 144 اس وقت نافذ کی گئی ہے ،جب وفاقی حکومت پاکستان تحریک انصاف (پی ٹی آئی) کو چودہ اگست کو ‘آزادی مارچ’ کرنے سے روکنے کی کوششوں میں مصروف ہے۔
اس سے قبل حکومت پنجاب نے آزادی مارچ کے پیشِ نظر دس سے چودہ اگست کے درمیان رینجرز کی پانچ کمپنیاں تعینات کرنے کا حکم دے دیا ہے۔