اسلام آباد: حکومت اورپاکستان تحریک انصاف کےدرمیان مذاکرات کاگیارہواں دور ختم ہوگیا، جس میں مذاکرات جاری رکھنے اور آج پھر ملنے پر اتفاق کیا گیا۔
تحریک انصاف کے رہنما جہانگیر ترین کے گھر پر زاہد حامد اور اسحاق ڈار پر مشتمل حکومتی ٹیم نے پاکستان تحریک انصاف کی ٹیم سے مذاکرات کیے، مذاکرات کے گیارہویں دور کے بعد میڈیا سے گفتگو میں اسحاق ڈار نے بتایا کہ بامعنی مذاکرات ہوئے ہیں اور تحریک انصاف سے آج دوبارہ مذاکرات ہوں گے،ملکی معیشت کو روپے کی قدر میں کمی کا سامنا ہے، معیشت کی بہتری کیلئے کوششیں کر رہے ہیں۔
اس موقع پر شاہ محمود قریشی نے واضح کیا کہ یہ کہنادرست نہیں کہ ساڑھے پانچ نکات پراتفاق ہوگیاہے،شاہ محمود قریشی کا کہنا تھا کہ قوم کو سیاسی بحران سےنکالنا چاہتے ہیں۔
Comments
- Advertisement -