اسلام آباد : اسحاق ڈار نے پی ٹی آئی رہنما شاہ محمود قریشی سے ٹیلی فونک رابطہ کیا ہے، جس میں دونوں رہنماؤں نے جلد مذاکرات شروع کرنے پر اتفاق کیا ہے۔
حکومت اور تحریک انصاف میں رابطہ ہو ہی گیا، اسحاق ڈار نے پی ٹی آئی کے رہنما شاہ محمود قریشی کو فون کیا، ٹیلی فونک رابطے میں دونوں رہنماؤں نے جلد مذاکرات شروع کرنے پراتفاق کیا۔
اس سے قبل ترجمان پاکستان تحریک انصاف شیریں مزاری کا کہنا تھاکہ اسحاق ڈاراورجہانگیرترین کی آج ملاقات ہوگی، انھوں نے پنجاب میں پیٹرول کی قلت کو عوام پر ظلم قرار دیا۔
شیریں مزاری کا کہنا تھاکہ پی ٹی آئی کو شہربندکرنیکی ضرورت نہیں،حکومت نےخود شہر بندکرادیئے ہیں، وقت دیکھ کرسڑکوں پرنکلیں گے،جس کے لائحہ عمل کااعلان جلد کیا جائے گا۔
ترجمان پی ٹی آئی کا کہنا تھا کہ دھاندلی کامسئلہ حل کرنے کے لئے جوڈیشل کمیشن کاقیام ضروری ہے، جوڈیشل کمیشن بننےکےبعد آئندہ کالائحہ عمل طےکریں گے،انہوں نےکہا کہ حکومت کواتنا جھوٹ نہیں بولناچاہیےاوراپنی غلطی تسلیم کرنی چاہیے۔