اسلام آباد: وزیرِ داخلہ چوہدری نثار علی خان نے متحدہ قومی موومنٹ کے قائد الطاف حسین کے خلاف ثبوت اوردیگر تفصیلات برطانوی ہائی کمشنر کے حوالے کردیں۔
ذرائع کے مطابق چوہدری نثاراوربرطانوی ہائی کمشنر فلپ بارٹن کی ملاقات بدھ کے روز پنجاب ہاؤس میں ہوئی۔
ملاقات کے دوران چوہدری نثار نے رینجرز کی جانب سے متحدہ کے قائد کے خلاف رینجرز کی جانب سے درج کرائی گئی ایف آئی کی نقل ، ایم کیو ایم کی متنازعہ سرگرمیوں پر رینجرز کی جانب سے مرتب کردہ رپورٹ اور ایم کیو ایم کے مرکز اور الطاف حسین کی رہائش گاہ نائن زیرو پرچھاپے کے دوران برآمد کیا گیا اسلحہ اور مفرور افراد کی گرفتاری تفصیلات پرمبنی مکمل رپورٹ فلپ بارٹن کے حوالے کی گئیں۔
ایم کیو ایم کے قائد الطاف حسین کے خلاف سول لائن تھانے میں مقدمہ درج
واضح رہے کہ پاکستان اور برطانیہ کے درمیان انسدادِ دہشت گردی کا معاہدہ موجود ہے اوراسی معاہدے کی بناءپر پاکستانی حکومت کی جانب سے انتہائی سخت ردعمل کا مظاہرہ کیا گیا۔
چوہدری نثار علی خان نے حکومتی موْف کی نمائندگی کرتے ہوئے کہا کہ ’’برطانوی شہری پاکستان میں نقصِ امن کی سرگرمیوں میں ملوث ہے‘‘۔
یہاں پر یہ بات بھی قابلِ ذکر ہے کہ وفاقی وزیر اور برطانوی ہائی کمشنر کے درمیان ہونے والی یہ ملاقات غیررسمی تھی اور اسی لئے فلپ بارٹن کو وزارتِ داخلہ کے بجائے پنجاب ہاؤس میں طلب کیا گیا۔
ایم کیوایم کے مرکز نائن زیرو پر رینجرز کا چھاپ
واضح رہے کہ ایم کیو ایم کے خلاف کی جانے والی حالیہ کاروائیوں نے کراچی کی معیشت پر بھی اثر ڈالا ہے اوربدھ کے روز کراچی اسٹاک مارکیٹ میں تقریباً ایک ہزار پوائنٹ کی تاریخی مندی دیکھی گئی ہے۔
