اسلام آباد: حکومت نے حج پالیسی دوہزار پندرہ کا اعلان کردیا، حج درخواستیں ستائیس اپریل سے سات مئی تک وصول کی جائیں گی، چودہ مئی کو قرعہ اندازی ہوگی۔
وزیرِاعظم نواز شریف کی نئی حج پالیسی کی منظوری کے بعد وفاقی وزیرِمذہبی امورسردار یوسف نے اسلام آباد میں پریس کانفرنس کے دوران حج پالیسی کا اعلان کیا۔
پچاس فیصد سرکاری اور پچاس فیصد پرائیویٹ حج سکیم کے تحت ایک لاکھ تینتالیس ہزار تین سو اڑسٹھ خوش نصیب فریضہ حج ادا کریں گے۔
حج پالیسی ڈرافٹ کے مطابق رواں سال حج پیکج دو لاکھ چونسٹھ ہزار نوسو اکہتر روپے رکھا گیا، حج اخراجات گزشتہ سال کی نسبت کم ہونگے جبکہ رواں سال مفت حج کی سہولت میسرنہیں ہوگی۔
سردار یوسف کا کہنا تھاکہ حاجیوں کو چودہ ہزار دو سو دس روپےقربانی کیلئےجمع کرانے پڑینگے، حاجیوں کو کھانا مفت فراہم کیا جائے گا، حج اسکیم میں سعودی قوانین کےمطابق رہائش کےانتظامات کئےگئے ہیں۔
وفاقی مذہبی امور سردار یوسف نے کہا کہ عازمین کیلئے پاسپورٹ، کمپیوٹرائزڈ شناختی کارڈ رکھنا لازمی ہے۔
