لاہور: حکومت نے مخالف محاذ پسپا کرنے کے لئے پانچ رہنماؤں کو تحویل میں لینے کا منصوبہ بنالیا، عمران خان، طاہرالقادری، شیخ رشید اور چوہدری برادران کو حفاظتی تحویل میں لیا جاسکتا ہے۔
زرائع کے مطابق حکومت نے تحریک انصاف چیئرمین عمران خان ،پاکستان عوامی تحریک کے سربراہ علامہ ڈاکٹر طاہر القادری ،مسلم لیگ ق کے چوہدری شجاعت حسین اور پرویز الہی سمیت عوامی مسلم لیگ کے سربراہ شیخ رشید کو چودہ اگست سے پہلے حفاظتی تحویل میں لینے کا منصوبہ تیار کرلیا ہے۔
اے آر وائی نیوز کے اینکر پرسن مبشرلقمان کے مطابق حکومت پانچوں رہنماؤں طاہرالقادری ،عمران خان، چوہدری برادران، شیخ رشید کو حفاظتی تحویل میں لینے کے لئے لاہورہائیکورٹ سے رجوع کرے گی، تخریب کاری کے واضح امکانات ہیں جس کے باعث منصوبہ بنایا گیا۔
واضح رہے کہ گزشتہ روز ڈاکٹر طاہر القادری نے انقلاب کی تاریخ کا اعلان کیا تھا اور انقلاب مارچ عمران خان کے ساتھ کرنے کا فیصلہ کیا۔
