تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

خدارا پاکستان کو بچایا جائے،الطاف حسین

لندن : ایم کیوایم کے قائد الطاف حسین کہتے ہیں اگراحتجاج سےنقصان کااندیشہ ہوتونوازشریف وزارت عظمی چھوڑ دیں اورپارٹی میں کسی اور کو وزیر اعظم بنادیں ،ایم کیوایم کے قائد الطاف حسین نے اپنے عوام، سیاسی ومذہبی جماعتوں کے رہنماوٴں اور وفاقی وصوبائی حکمرانوں سے دردمندانہ اپیل کی ہے کہ خدارا پاکستان کو بچایاجائے،

اختلافات دورکرنے کیلئے نتیجہ خیز بات چیت کے ذرائع استعمال کیے جائیں اور ہرقسم کی محاذ آرائی جس سے جانی ومالی نقصانات کا احتمال ہو اس سے اجتناب کیا جائے ۔اپنے بیان میں الطاف حسین نے کہا شمالی وزیرستان میں مسلح افواج کے جوان دہشت گردوں کے خلاف جنگ میں جام شہادت نوش کررہے ہیں ایسے میں رسہ کشی ہرذی شعور اور محب وطن پاکستانی کیلئے لمحہ فکریہ ہے۔

ایک طرف چند فریق جمہوریت کے نام نہاد چیمپئن بن کر دوسروں پر طعنہ زن ہیں جب کہ ایک طبقہ حکومت کی اینٹ سے اینٹ بجانے کی دھمکیاں دے رہا ہے تو دوسرا فریق حکومت کی چولیں ڈھیلی کرنا چاہ رہا ہے ۔

الطاف حسین نےوزیراعظم کو مخاطب کرتے ہوئے کہاکہ وہ آگے بڑھیں ، معاملات کا گہرائی سے مطالعہ کریں اوراحتجاجی مظاہروں سے جانی ومالی نقصان کا زرہ برابر بھی اندیشہ ہوتو وہ جرات کا مظاہرہ کرتے ہوئے وزارت عظمیٰ سے علیحدہ ہونے کا اظہارکریں اور اپنی ہی پارٹی سے کسی اور فرد کو وزارت عظمیٰ کی ذمہ داریاں منتقل کردیں یاکوئی ایسا آئینی راستہ اختیار کریں جہاں سب کا وقار اپنی اپنی جگہ قائم رہے اورکسی کو سبکی کا سامنا نہ کرنا پڑے ۔

Comments

- Advertisement -