گوگل نے بالاخر گول پلس کو خدا حافظ کہنے کا فیصلہ کرلیا، گوگل پلس 4 سال قبل فیس بک کی حریف سوشل میڈیا سائٹ کے طور پر سامنے لایا گیا تھا۔
گوگل نے گزشتہ کئی مہینے گوگل پلس کے کار آمد حصوں کو علیحدہ سروسز کے طور الگ کیا ہے کیونکہ اب وہ گوگل پلس کو گوگل کی تمام سروسز کا حب بنانے کا منصوبہ ترک کرچکے ہیں۔
کمپنی نے پیر کے روز جاری کردہ اعلامیے میں اعلان کیا کہ وہ گوگل پلس ختم کررہے ہیں۔
اس سے قبل گوگل کی کئی سروسزحاصل کرنے کے لئے گوگل پلس کا اکاؤنٹ بنانا ضروری ہوتا تھا لیکن یہ کچھ زیادہ کارآمد ثابت نہیں ہوا۔
گوگل کے وائس پریذیڈنٹ بریڈلی ہورووٹز نے کمپنی بلاگ میں اعتراف کیا ہے کہ ’’صارفین نے ہمیں بتایا ہے کہ گوگل کی تمام تر سہولیات کو ایک ہی اکاؤنٹ سے رسائی کرنا زندگی کو زیادہ آسان بناتا ہے‘‘۔
Comments
- Advertisement -
