اسلام آباد: وفاقی وزیراطلاعات پرویز رشید کا کہنا ہے کہ نیشنل ایکشن پلان کے لئے دی گئی تمام ترتجاویز پراتفاقِ رائے ہوچکا ہے۔
وفاقی دارالحکومت میں میڈیا سے گفتگو کرتے ہوئے ان کا کہنا تھا کہ خصوصی عدالتوں کا قیام آئین اورآرمی ایکٹ میں ضروری ترامیم کرکے عمل میں لایا جائے گا۔
وفاقی وزیر کا کہنا تھا کہ وزیرِ اعظم کی جانب سے 17 دسمبر کو کئے گئے اعلانات پرعملدر آمد کا وقت آگیاہے۔
ان کا کہنا تھا کہ اپنے لوگوںکا قتلِ عام کرنے اوران کے گلے کاٹنے والوں کا احتساب خصوصی عدالتوں میں ہوگا۔
انہوںنے بتایا کہ آئین میں ترامیم کا بل آج ہی قومی اسمبلی میں پیش کیا جائے گا۔ انہوںنے سابق صدر آصف علی زرداری کے کردار کو بھی سراہا۔
پرویز رشین نے مزید کہا کہ آج کا دن پاکستان کی تاریخ میں اییک انتہائی اہم دن ہے اور اسے ایک تاریخ ساز دن کے طور پر یاد رکھا جائے گا۔
Comments
- Advertisement -